Ka Sohkymphor Congress Unit da pynsñiaw ko yei sñiawsih hajrong i jia yaka khynnah skur kawa da chah slaitbor ha ki runar wei kiwa pynyap dusmon ya ka.
Ka Sohkymphor Congress Unit da beiñ joor ko ya ini i jia wym jooh jia mynnu mynnu leh haka chnong waroh kawi. Kamtæ neiliang yong ka Unit da kyrpaad joor ko ya ki bor yong ka aiñ wow thooh joor ya kini ki damok wei wow pynchitom ya ki katkam i bor yong ka aiñ.
Kamjooh leh neiliang u waheh chnong warim yong ka Sohkymphor Poh Mission u Kalbot Suchiang uwa man leh u Treasurer yong ka Sohkymphor Congress Unit da beiñ joor u ya ini i jia deiwa pynsñiaw leh yei sñiawsih hajrong ini i jia wym jooh jia haka chnong deiwa dawa joor leh na ki bor yong ka aiñ wow kem ya kini kiwa leh ya kini ki kaam wymman wei wow pynchitom ya ki da iwa heh.
Ya kani ka kyrwoh da pynlait da u President ka Sohkymphor Congress Unit u Chielang Lyngdoh.
