15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Joor ka sahkut kari hadien wa pynkrehkaam yaka hukum 20MT

Advertisement ad1

Ki pulit ka East wa West Jaiñtia Hills da pyntip ki wa neidaw wa pynkrehkaam yaka hukum wow khang yaki Truck wa kit palat ya 20 MT da wanrah ko yei sahkut kari nadooh Phramer-Chohchrieh-Tuber kawa da sdang hi nadooh ynnin ka sngi.

Kam wow pynkynmoo wa ka sorkar ini wa dep nadooh ka 29 tarik u Naichiphaw da khang nyngkong ko yaki kari heh kiwa khia palat 10MT wow lai na Shillong Bypass na yingkieñ wa em ha Dwar Ksuid, Umroi neidaw wa kani ka yingkieñ da sdang ko wow tlot wow piah wei da phah ya waroh ki kari heh wow psiah ki na sor Shillong heipor miet.

Hadien ini won da pynmih hukum won sa ka High Court ka Meghalaya wow khang ya ki kari wa khia palat 20 MT wow lai naka yingkieñ wa em ha Umiam yow yada nei sih kani ka yingkieñ.

Ini waroh ha kini ki sngi ki tayaw da sdang i sahkut kari khamtam ha ki bynta khappood ka West wa East Jaiñtia Hills manda pynkrehkaam ya kini ki hukum heiwa ki pulit da pyrchang ki miet wa synyaw wow pynlait yei sahkut ki kari wei da kyntu ki leh yaki paidbah wow ya krehlang wei ym toh wow yaknieh wow lai chakhmat.

Share this:
Previous

Beiñ joor wei dawa kem ka Sohkymphor Congress Unit ya kiwa pynyap ya ka khynnah skur

Next

Rah ka BUSCSC ya i naam jop ha ka lympung yalehke Inter Dong wa 14 ka BYWSC