Beiñ ka CSWO ya ka bor chnong Umkadhor wa muhrieh ya ka kaam slaitbor

Shillong: Ka CSWO da beiñ ko ya kiwa kitkaam ka chnong ka Umkadhor, Ri Bhoi District, kawa da pynbaad wa da murieh ya ka kaam slaitbor wa da jia ha ka chnong.

Katkam ka khubor na ka Agnes Kharshiing, da pynbaad ko wa u Tuesday Syngkli uwa na kani ka chnong ha u snem 2015 da slaitbor u ya ka khynnah kawa na kawi won ka chnong.

U Syngkli toh uwa da em 2 ngut ki khon wei da slaitbor u ya ka khynnah wa dang hapoh 18 snem i rta wei da maham u leh ya ka lada pyntip ko cha kiwi yeiwa leh u.

Hei sakhiat kiwa hayung ka khynnah da ujor ko cha ki bor chnong yeiwa da jia wei wow ekti cha ki pulit tangwa neidaw wa ujor da ka kur da suki hi-eh ki tangwa ki bei wa u pa kani ka khynnah da ujor ki cha ka Nongpoh Police Station pyrchah yeiwa leh u ha u snem 2015.

Kani ka khynnah wa chah slaitbor da yoh khon ko wei da dap i 10 bnai wei dang thooh ko yei hok yong ka, da ong ka CSWO.

Related posts

6 bnai phah kset ka yung bichaar ya uwa kdoh ya uwi u bru hapoh khloo deiwa dat wei pynchitom oo nei miet hei step

December 16, 2025

Chah tooh kawi ka Scooty wa pynyieñ ha lait ka Woodland WK Hospital

December 12, 2025

Ka CSWO da ong ko wa kitai ki bru wa tyngkheiñ aiñ, da paan jamin ki na ka District Council Court wei da yoh jamin ki khlem da bichaar bha ya kani ka kaam.

Kani ka khynnah toh kawa chong kreh ha yung u Tuesday wei ka CSWO ngait ko ko lyngba ka DNA Test ye u pynskahiat wa ini i khon kani ka khynnah toh yong u Tuesday.