15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Beiñ ka EJHDA wa ka KSU yei sih ware u sarok na Jowai cha Malidor

0 Comments
Advertisement ad1
Advertisement ad1
Advertisement ad1
Advertisement ad1

Jowai: Ki ar seiñbhalang na East Jaiñtia Hills wa kynthup ya ka East Jaiñtia Hills Driver Association (EJHDA) wa ka Khasi Students’ Union (KSU) da pynsñiaw ki yei chrai hajrong i wym chimkhia ka NHAI wa ka sorkar Meghalaya wow chna pynmiat ya u sarok na Jowai chadooh Malidor.

Ynne ka sngi da em leh ar tylli ki truck kiwa da yatyrrah heiwa kawi da sah ko katwa kawi won da kylla ko du neidaw wa yooh ki ya ki thlu kiwa yillu kamwa 2 phut wei kiwa da dap um hapyrdi sarok ha ka chnong Dkhiah West, hajan ka Ieng Swer Memorial Secondary School.

Neiliang u Kyntang Phawa, uwa man leh kam u Vice President ka EJHDA da ong u wa heipor wa wan u na Khliehriat da yoo u yei ngam ka chaka ka truck ha i thlu heiwa uwa yah nei wymye de u wow pynlai ya u steering, da ngam bait ka truck cha i khloo wa em harood sarok wa ka liar. 

Neiliang u Finance Secretary ka KSU, u Streamly Niangti da ong u wa ka sorkar da pynlut ko palat T. 600 klur wow pynmiat ya u sarok na Soomer cha Malidor heiwa ka Company da kreh habra ko khlem em i chna pynmiat ya u sarok hadooh wa da mih ini i jia.

Da ong u leh wa embhah wa ym em iwon iwon i jia wa sñiawsih khamtam ya ki khynnah skur ka Ieng Swer Memorial Secondary School hanlada ini waroh jia i heipor wa kut skur. 

Uni uwa yahkhmat ka KSU da ong u wa ka seiñ daw chimkhia ko yeini i leh habra ka NHAI wa ka Company wa toh u pait ya uni u sarok.

Heijooh i por ka KSU da maham ko leh wow khang khyrdep noh ya ka Tool Gate wa em ha Lumshnong.

Share this:
Previous

Yachem kiwa sikai skur Deficit ya u Conrad wow dawa pynku tulop wa kiwi de ki phang

Next

Yachem ka KSU War Jaiñtia ya u Lahkmen yow dawa BDO wa pura ha Amlarem