Ka seiñ FKJGP-Khliehriat Circle ha ka khubor wa phah da u Michal Chyrmang, da beiñ joor ko ya u Train Phawa deiwa ong wa da dat da bom wei pynmynsoo u ya ki ar ngut kiwa yahkhmat chnong ka chnong Tuber Kmai Chnong, East Jaiñtia Hills hadoooh wa poi Hospital wei chah soor hadooh 5 kse, wei ini da toh iwa da jia ha ka 03-01-24.
Ki seiñ da pyntip ko wa kini kiwa chah dat toh u Micky Lyngdoh uwa man kam u Waheh Chnong ka chnong Tuber wei uwi won toh u Denis Lyngdoh uwa man kam u Secretary IVCS wei heijooh i por uwa man leh kam u Chairman ka Seinraij Tuber Kmai Chnong.
Chooh chooh da pyntip wa itai wa jia toh hei miet heipor 11:30 heiwa da mih i awri awra hapoh ka chnong ka thaw wei kini kiwa yahkhmat chnong hadien wa tip ki yeini da lai ki cha ini i thaw yow pynyasuk heiwa da chah pam patahan ki da u sdai ha u Train Phawa.
Ka seiñ da ong ko wa sñiawkhia ko wa ha kini ki sngi ki bru ym burom de ki wot ya kiwa chong chnong leh wei heiyatoh wa ini da dep e FIR da u diah yong u Waheh Chnong, u Chelang Lyngdoh.
Katkam wa tip ka seiñ, u Train Phawa toh uwa dang dep yoh jamin (Interim Bail) kawa daw kut haka 12-01-24.
Kamtæ ka seiñ da kyrpaad joor ko ya u Public Prosecutor uwa neiliang kiwa ujor wow pynkhlan yei yakhun hapoh Kasari khnang wa hadien ka 12 tarik uni uwa chah pynbaad ymtoh de wow lait u na ki kti ka aiñ wei heijooh i por ki pulit ymtoh u e laad ki ya kam kitai ki bru wow yoh jamin ki neibhah wa e laad wei pynchlur ko ya kiwi wow leh ya ki kaam wa sih, pynkut ka kyrwoh na ka FKJGP.
Discussion about this post