Ka Hynniew Trep National Youth Front-Southern Ri-War Circle hadien wa wan pait ko ya kawi ka manbei wa chong wa sah hapoh ka chnong Bakur (Dawki) wa cha khi lenooid wei chah dat ko ha ki le ngut. Neiliang ka seiñ da beiñ joor ko ya ini i leh beiñ cha wa palat wot yaka kynthai khamtam wow chim yaka aiñ ha kti.
Kamtæ ka seiñ da kyntu joor ko yaki bor aiñ waki bor wa haneiñ wow chimkhia hajrong ini wei wow pynchitom katkam ka aiñ, ha i jooh i por da e mynsien leh ya kani ka manbei wa chah lehbeiñ wa ym toh u dooh mynsien hajrong ini, wei ngait skem wa lyngba wa i chimkhia yong ki bor ka aiñ ya ini i kaam da kyrmen skem wa ym jia de hadien ha bood chapoh kani ka thaaiñ hi waroh kawi.
Ha iwi won i liang ka seiñ ka dawa joor ko yaki bor yong ka sorkar wow khang khyrdep chwa yaka khayi (Import/Export) cha kani ka thaaiñ Tamabil (Dawki) neibhah wa du hapoh ka jylla yong i dang ya syndong wei tieñ ya u khñiang kjut COVID-19 wa ye u wow poor smat.
Lada jia iyi iyi ha i ya psiah ya mih na kawi ka ri cha kawi, i eh man ko kawa maa hadooh kattæ kattæ ya ka jylla hi waroh kawi wei khamtam ya kiwa chong khappood waka ri Bangladesh.
Ka kyrwoh na u General Secretary u Lasius Lamin wa u Publicity Secretary u Cardinal Talang, HNYF-SRC.