15 49.0138 8.38624 1 0 4000 1 https://wyrta.com 300 0
Advertisement ad1

Beiñ ka JNC-WJZ ya i chna habra ka PWD ya ki Footpath ha Ladthadlaboh-Newhill

0 Comments
Advertisement ad1
Advertisement ad1
Advertisement ad1

Jowai: Ka seiñ JNC-WJZ da pynbaad ko wa ka tnat PWD da kreh tangdep ko ya ki luti lai kjat namo ki Footpath nadooh na Newhill hadooh ha Ladthadlaboh, Jowai.

Ka seiñ da ong ko wa da sakhi ko yeini dei khmat heiwa heipor wa joor slap ki nala wa em hapoh kini ki Footpath, ka um da chlai lut ko cha sarok neidaw wa kini ki nala da man ki kiwa sahkut da ki jhep kiwa da kai leh cha sarok manda chlai um wei da wanrah ki ym du yei taroi ya ka chnong ka thaw kamjooh leh i sma.

Ka seiñ da ong ko wa da chem ko i daw wa sah kini ki dooid toh neidaw wa ki Pipe umkor lai ki napoh kini ki Footpath kiwa ksoh ya i jhep wei ym em kyrriah ya kini ki Pipe wei da tymmoh lang ya ki da ka Footpath.

Ka seiñ leh dadep yachem ko wa kiwa ksoh kaam chnong kiwa ong wa da dep ujor ki ha ka tnat PWD wow pynkhooid ya ki tangwa neiliang ka PWD ym em leh ko iyi iyi leh hadooh katni.

Ka seiñ da beiñ joor ko leh ya u Contractor uwa kreh tangdep ya kini ki Footpath wei ka seiñ daw lai ujor ko cha ki bor wa haneiñ khnang yow leh ki ya iwa emkaam wei da kyntu joor ko ya ka tnat PWD wow chimkhia hajrong kani ka kaam khamtam ha ki por wa joor slap heiwa i tung da man i cha wa palat wei ini daw rah ko yei ma ya kiwa chong chnong.

Ini toh katkam wa pyntip u General Secretary ka seiñ u S. Pohphlet.

Advertisement ad1

0 Comments

Leave a Reply