15 49.0138 8.38624 1 0 4000 1 https://wyrta.com 300 0
Advertisement ad1

Beiñ ka JUM wa chah thombor kiwa pathai khubor ha kylleiñ ka ri

0 Comments

Jowai: Kiwa pathai khubor ha ka jylla hapoh ka lama yong ka Journalists Union of Meghalaya (JUM) ynne ka sngi da beiñ joor ko yei chah dat wei chah tynyap khiar kiwa pathai khubor cha kiwi ki bynta ka ri India, iwa da pynchongsyir ya ki wow pyndep yei kaamram yong ki.

Ha ka yalang wa pynman ha Shillong Press Club da pynman leh yei kynmoo warom deiwa suki chi minit ya kiwa pathai khubor wa da khlaad heipor wa pyndep ki yei kaam yong ki.

Ha kani ka yalang da em ki dkhot wa kynthup ya u president, u Deimaia Siangshai, u David Laitphlang uwa man leh u president ka Shillong Press Club (SPC) wa kiwi kiwi.

U David da ong u wa katkam wa yoh pynlang du ha Telangana dang ini da yoh yutp wa em kamwa 200 ngut kiwa pathai khubor wa sa chah tynyap deiwa pynrap leh wa ka jylla Meghalaya man ko kawa rap chngaaiñ ya kiwa pathai khubor.

Da pyntip u wa ha Andhra Pradesh kamwa 30 ngut kiwa pathai khubor da chah kem ko ha ki pulit neidaw i yakhih pyrchah ya ki.

“I yieñ tylli lang i kam kiwa pathai khubor wow pynsñiaw yei mynsien wa khia neibynta ki lok kiwa em cha kiwi tawon ki bynta ka ri, wei phah i ya kani ka wyrta wa i kam kiwa pathai khubor na Meghalaya beiñ joor i hajrong i pteiñ i chah thombor ki lok wa pathai khubor hapyrdi wa dang pyndep ki yei kaam yong ki,” da pynrap u David.

Da ong u leh wa kam kiwa pathai khubor man ki kiwa khian paaid tam tangwa kwah ki wow pynyoo cha kiwi tawon wa man ki kiwa yatylli wei wow yarap kylliang iwi ya iwi.

“Ha Meghalaya yatoh i wa ki tnat sorkar, hanlada em i duna heini heitai.” da ong u David.

Advertisement ad1

0 Comments

Leave a Reply