Jowai: Ka Khasi Student’s Union-Jaiñtia Hills District Unit ynnin i step hadien wa yoh yutip hajrong i jia wa em ki damok kiwa thmu wow thang ya kari ka yong u Shaniahakhem Dkhar uwa man uwi na kiwa yahkhmat ka seiñ hapoh ka District Unit ha yung sah yong oo, ka seiñ da lai ko wut wut cha kani ka thaw wei da chem ki wa em ki damok wa thmu wow leh yeini tangwa ini i thmu da sepai noh i.
Neiliang ki bor ka chnong leh da wan ki wut wut cha kani ka thaw chirup wa ki pulit hapoh i yahkhmat u In-charge Ladrymbai Outpost wei da register case ki wei da chim ki ya uni u klong bomb.
Ka seiñ da beiñ joor ko wei da maham ko leh ya kini ki damok wa thmu wow leh ya ini i kaam ki wym em de i sñiaw wot ya i mynsien bru.
Da sñiawngooh ki leh ya ki bor chnong ka Wapungskur kiwa da kular wow chimkhia yeini wei wow thooh tre ya kini ki damok.
“Ka seiñ neipor cheipor ha kiwon kiwon ki bynta kam ka seiñ ym hun ko du wow chong tæ paitke khamtam ya kam kini ki bru wymman,” da ong u President ka seiñ u Ohibait Dkhar wei da dawa joor na ki bor ka aiñ wow chimkhia ki yeini wei wow pynchitom ya kam kini katkam ka aiñ wei lada ym leh ko iwon iwon daw thooh noh da kiwi tawon ki luti.
Discussion about this post