Ka KSU-Shangpung Unit da beiñ joor ko ya u Ngaitlang Suchiang hadien wa suba wa tynyap u ya ka pyrsa arbei yong oo ya kawa tip pyrtuid kam ka Widala Suchiang (15 snem) wa chong wa sah ha Muthlongrim, West Jaiñtia Hills District.
Ya ini i kaam da leh u ha ka 12 tarik uni u bnai heipor step katwa kani ka khynnah dang lai sait-that ko cha um wei hadien wa slem ko u liwan yung ha i janmiet da lithooh ya ka wei da chem ya i metyap kani ka khynnah.
Hadien wa dep u tynyap ya kani ka khynnah da yut u na chnong wei hadooh kattæ ymtip cheiwon em u.
Ka seiñ da yoh yutip ko leh wa Ngaitlang Suchiang da jooh pyrchang u wow slaitbor ya kani ka khynnah nachwa tang man da khana ko ya kiwa ha yung ym ngait ki neibhah da ong ki kamon u leh u kaitæ i kaam hawa pyn da ka pyrsa u.
Neiliang ka seiñ da dawa joor ko ya ki bor ka aiñ wow chimkhia u thooh ya uni u bru thrang snaam uwa ym em de i sñiaw wot ya ki pyrsa ki ksu yong oo wow kset ya oo chi rta ha patok.
Kani toh ka wyrta na u president ka KSU Shangpung Unit, u Phrangki Papang.
