Ka Seiñkur Rymbai Mukhla-Moopyllaitsyiar da pynsñpaw ko yei sñiawkhia wa joor yeiwa da jia ya uwi na ki khon ka Seiñkur, u Solomon Rymbai uwa da chah dung da ki tiar wa nep hadooh wa da mih sner na ki bynta u kpoh u iwa da jia ha ka 9 tarik uni u bnai ha Mukhla Chohchrieh.
Ka Seiñkur da beiñ joor ko ya ki arngut kiwa da leh yeini i kaam kitæ u Damut Bang wa u Palmon Sari kiwa da thmu wow chim syndon yei mynsien bru wa ya ka aiñ ha kti yong ki hi.
Kamtæ ka Seiñkur da kyrpaad joor ko ya ki bor ka aiñ wow leh ki yeiwa emkaam.
Katkam ka FIR wa da e da kiwa ha-yung u Solomon, da ong wa da mynsoo joor bha u wei heipor wa kit ya oo cha Dr. Norman Tunnel Hospital, Jowai ym em yong bru de u wei kini ki bru wa da leh yeini i kaam toh kiwa da maham ya u Solomon na ki por cha ki por.
