U Montri wa pait ya ka chnat Social Welfare ha ka jylla, u Kyrmen Shylla da ong u wa ymtoh u maap ya ki damok wa tynyap khiar ya ki khynnah kynthai, deiwa pynrap wa emkaam wow pynchitom wut-wut ya kam kini ki bru khnang wow lait u jia kamni chaphrang.
U Montri da beiñ u leh ya kiwa tynyap ya kawi ka kynthai ha Chahtngit, Jowai, West Jaiñtia Hills, deiwa kylli neiyi i daw wa wa chim yei mynsien bru wei ymtoh wa kini ki damok ymtip ki ya ka aiñ næ ym sñiawthooh ki ya ka tangwa da leh pyrchah pathan ki ya ka, wei kam kini ki bru kiwa daisarom ya ka jylla waroh kawi.
Ha iwi i liang u Kyrmen da ong u wa ka chnat daw yachem ko ya u Montri Rangbah ka jylla, u Conrad Kongal Sangma hadien ka Election GHADC neibynta wow thung noh ya ka Chairperson wa thymme yong ka Meghalaya State Commission for Women, neibhah wa kamwa man katni ya ka Commission da pait da ki sahep yong ka chnat nadooh u Kmaichonglad u snem wa dadep.
