15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Phah pyntip u Montri lada em ki thaw wa ye u wanrah yei maa nei bor rymaw

Advertisement ad1
Advertisement ad1
Advertisement ad1

Ka chnat Revenue & Disaster Management da kyntu ko ya ki paidbah wa chong chnong wow pyntip lada chem ki wa em ki thaw wa ye u wanrah yei maa nei chah pynoor ha i bor rymaw, khnang yow ye u yada na i jia wa sñiawsih næ i doohnong.

U Montri wa pait yaka chnat, u Kyrmen Shylla da ong u wa ka chnat ka chimkhiah ko ya ini i jia wa jooh mih man-u-snem nei chah pynjæd pynpra ha i bor rymaw khamtam ha i por lyiur, heiwa da ong u wa ki paidbah lada ym ye ki wow pyntip cha ki bor wa haneiñ, ye ki wow pyntip leh lyngba ki waheh chnong lada chem ki wa em ki thaw wa ye u wanrah yei maa, kam i oor khyndaw, i kheiñ ki dieñ wa kiwi ki chah ktah yow ye u yoh yei yada.

Da pyntip u wa neiliang ka chnat ha u snem wa da dep da thoh ko cha ka chnat Forest wow lai pait ya ki dieñ kiwa em ha ki chnong wa harood sarok, heiwa da kyntu leh wa lada chem wa em ki dieñ kiwa da tlot wa da sdang noh, wa chwa i por lyiur toh u leh yeiwa emkaam yow lait na iwon iwon i jia wa sñiawsih.

Ha iwi won i liang u Kyrmen da ong u wa ha kini ki sngi wa kylla ka aiom daw em i kylla ha ki bor rymaw, wei da kyntu u ya ki paidbah wow man kiwa paitbniah wei wow syndong wow yada ya idæ na iwon iwon i maa.

Share this:
Previous

Pynbna ka KSU yaka Scholarship wa T. 40,000 samen neibynta ka Class 10 wa 12

Next

Beiñ u Kyrmen ya kiwa tynyap ya ka kynthai ha Chahtngit