Bha palat lada ka VPP pynyaar ko cha Garo wa em boon kiwa kwah u psiah cha ka: Rakkam

U MLA ka NPP na Rongara Siju, u Rakkam A Sangma da ong wa bha palat lada ka VPP mut ko wow pynyaar ya ka Party cha Garo Hills, neibhah kam ka seiñ saiñpyrthai ye ko wow pynyaar wei krehkaam ha waroh kawi ka jylla khnang wa ki paidbah u ye ki wow jied napyrdi waroh ki Party.

Da ong wa i jop kput yong ka VPP ha ka Election MP ha uni u snem na Shillong daw krehkaam bha cha Garo Hills neibhah wa da ktik ko ya ki kattu katni kiwa yahkhmat, deiwa pynrap wa da yoh khubor wa chiboon ki bru na Garo Hills kwah ki u psiah VPP.

Hawa kylli, da ong u wa bha palat lada ye wow pynyaar ya ka Party khnang wa ki paidbah u pynkut noh ki yei rukom pyrkhat waphær waphær kamwa da pynbaad wa ka NPP toh ka Party neibynta ki Garo, ka VPP toh neibynta ka thaaiñ Khasi, ka BJP ka toh ka Party ki Hindu wei ter ter, wei neibynta wow pynkut noh ya kani ka rukom pyrkhat toh kawa emkaam bha.

Hawa kylli chooh chooh wa ka VPP toh ka Party thymme, da ong wa ha ki por wa da lai ki seiñ kam ka HPU, UDP ki yakhun ki ya ka Election wei da yoh ki leh ya ki MLA, wei ini da yoo wa ki paidbah pait ki ya ki kyrtong wa kiwa yahkhmat.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025