Bha wei miat ka Kñia Khang ka Raij Jowai

Jowai : Ka Kñia ha ki Soo Dwar Soo Luti wa ka Tawiar ka Takan ya kawa da tip kam ka Kñia Khang yong ka Raij Jowai da pyndep ynne ka sngi.

Ynne dang step da yachem chwa ki khon ka Raij ha Yung Langdoh chwa wow li kñia cha u Moo Khai, u Mooralong, Musniang, ha Mutong katwa ya ka Tawiar Takan næ ka wah Myntdu ha Mooralong. Kiwa kñia da bhah ya ki jar jiar yow lai e ngooh e dem ki cha kini ki thaw.

Kani ka kñia Khang man ko ka kñia yow e ngooh e dem ya ki Soo Dwar Soo Luti wa ya ka Tawiar Takan.

Heijooh i por leh man ko ka kñia wow da wow ker, wow man i khih i khan, yow man bha man miat ya waroh kiwa em hapoh ka Raij Jowai.

Hadien i e ngooh e dem hapoh kini ki soo thaw da lai won cha Madan Ryngkaw, Tpep Pale yow pynkhreh won yei thang i chet.

Da em leh ka yalang yong ki kñi hapoh ka Yungwalieh ka Tpep Pale heiwa da yaklam ya ki kaam niam ka rukom.

Na Madan Ryngkaw hadien wa da pyndep ya ka Kñia Khang da lai cha Yung Langdoh yow pynap pynsñiaw ya ka Langdoh ka Ri Blai wa ya ki khon ka Raij kiwa emlang ya dak ki chin yong ka Kñia Khang da u Dolloi.

Wow e ngooh ya ki Soo Dwar wa ka Tawiar ka Takan, pyndep ka Raij Jowai ya ka Kñia Khang

June 7, 2026

Pyndep ka Raij Jowai ya ka Kbai Mooknor wow e ngooh ya ki Soo Dwar Soo Luti

June 6, 2026

U Dolloi da ong u wa ka Kñia Khang ynne ka sngi man ko kawa miat kawa bha khlem iwon iwon i wit i chaaiñ wa ki blai ki syiem leh emlang ki chirup wa i ynne ka sngi.