Da pyllait ya ka kot “Ka Ngooh Ka Dem”

Jowai : Kam chibynta wow pynneh pynsah ya ka niam ka rukom hapoh ka chnong Ummulong da pyllait kot noh ka Seiñ Khynroo Khyllood Seiñraij Ummulong.

Ya kani ka kot da tip kam ka “Ka Ngooh ka Dem”  wei da pyllait ya ka ynne ka sngi ha Yungwalieh ka Seiñraij Ummulong (SRU) ha i yalang heiwa u ma Ngaitlang Dhar da man u kam u kongsan.

Ha kani ka sngi ya ka yalang da pyllai da u President ka seiñ u ma R.B. Laloo uwa da e leh ya ki kyntien pdiang burom. Da yoh leh yei klam na u President ka Seiñraij Jwai, u ma OR Challam, u President ka Seiñraij Shillong u ma J. Pde wa na u Dolloi ka Elaka Jowai u ma P. Kynjiñ.

Kiwa klam da e yaroh ki ya ka Khynroo Khyllood ka SRU wa da ye ko u pynmih ya kani ka kot wei da kyntu ki leh ya ki wow pteiñ ki ya kam kini ki kaam wabha.

U ma Ngaitlang Dhar kam u kongsan ynne ka sngi da ong u wa ynne ka sngi man ko ka sngi ka wow sah kynmoo wa da ye ki u pynmih ya kam kani ka kot.

Related posts

Deiwa yoh chiboon iwa chna thymme ha Aitnar pynkut ya ka Ialong Behdieñkhlam 2026 deiwa phooh wa phieñ

August 10, 2026

Poi 22 tylli ki rot ki rong ha ka Behdieñkhlam ka Seiñraij Muthlong | Nang heh nan san kat dang lai ki snem

August 3, 2026

“Sñiaw sarong O ya ki khon khynroo khyllood yong i wa da ye ki u thoh ya kani ka kot” da ong u ma Dhar.

Da ong chooh chooh u ma Dhar wa emkaam u tip i hei wow pynemkaam ya kani ka kot hei wow pynchlur ya kiwa thoh yow nang pteiñ ki u pynmih ya kam kini ki kot.

Hachwa u kut da yoh ya ki kyntien e khublei na u Secretary ka SSRU u ma Embhah Rymbai.