Uwa yahkhmat ka BJP ha Meghalaya kamjooh u MDC ka Tura, u Bernard N Marak da khut u wow pynneh kamjooh hi ya ka Reservation Policy khlem pynkhih ka.
Da ong u wa ka bhah 80% ya ki Garo, Khasi wa Jaiñtia toh kawa biang bha ka wym em noh chiliang la 50 snem wei lada pynkhih ye u wanrah yei dooh nong wa joor bha ya kini ki le jaitbru.
I daw da ong ko toh wa waroh ki le jaitbru emkaam u sñiawthoh ki ya ka aiñ neibhah lada pynkylla ye i wow dooh 30% naka 80% kawa da yoh i katni.
Kamtæ da ong u wa ki Garo, Khasi wa Jaiñtia toh u yieñ yatylli ki yow pynneh ya kani ka 80% deiwa pyrkhat ya ki khynroo khyllood wei lada em i wym ya sñiawthooh toh u pynbait yeini deiwa yaklam para i.
Da pynche u wa ki Garo ym em dawa ki wow yoh chiboon tangwa ya iwa duna wei i wym em biang i pynkrehkaam ha ki por wa nachwa.
Da pynsñiaw u leh yei khuslai yei suk i saiñ hapoh ka jylla na kani ka daw.
