U Bollywood Actor, u Aamir Khan ha ka 5 tarik da bia u hei sien wa le hei rta wa 61 snem ha ka yalang wa pynman ha yung sah u ha Bandra, Mumbai deiwa emlang kiwa yajan wa ya tipmit u kamwa 100 ngut haroh.
Ka kurim thymme u Aamir Khan toh ka Gauri Spratt kawa da em khon uwi na u kurim warim ko.
U Aamir wa ka Gauri toh kiwa da ya tipmit la 25 snem wei da sdang ki wow yalang la ar snem kattu.
Ini i bia ki toh iwa leh dei khian hapoh ka Special Marriage Act wei da sakhi leh da ki khon u Aamir Khan kitæ u Junaid, ka Ira wa u Azad deilang u khon ka Gauri uwa pyrtuid u Quinn.
Da em leh ki bru wa bna naam kam u Mukesh Ambani, u Raj Thackeray, ka Rhea Chakraborty, ka Elli AvrRam, u Irfan Pathan wa u Vir Das.
Ini i bia toh iwa khian hapyrdi wa joor u slap ha Mumbai.
U Aamir Khan toh uwa da biang nyngkong wa ka Reena Dutta ha u snem 1986 heiwa da em khon ki ar ngut kitæ u Junaid wa ka Ira tangwa da yalait ki ha u snem 2002 hadien 16 snem i bia.
Ha u snem 2005 won da bia u Aamir wa ka Kiran Rao heiwa da yachem ki heipor wa chna ya ka phlim Lagaan tangwa da yalait ki ha u snem 2021 wei da em ki uwi u khon.
Ka Guari Spratt toh kawa na Bengaluru heiwa u pa ko toh u Tamil-British katwa ka bei toh ka Punjabi-Irish.
Discussion about this post