Wot hapyrdi i khlai-diñ u loom Taal hajan ka nongbah Manila, Philippines ym em u khang u ya ki chijur wow bia ki hajan yong oo.
Kini ki chijur, u Chino Vaflor wa ka Kat Bautista Palomar da bia ki ha ka 12 tarik kawa man ka sngi wa sdang uni u loom wow khlai diñ.
Ka sorkar Philippine da phah yut ko ya ki bru kiwa em hapoh 14 km talawiar uni u loom neibhah wa ye u wow pdung ha iwon iwon i por wei da antaad leh wa em kamwa 450,000 ngut ki bru wa haap u yut na yung.
Ya ini i bia da pynman ha i thaw iwa jngai du kamwa 10 km na uni u loom ha i thaw wa tip kam ka Savannah Farm, Alfonso.
Discussion about this post