January 14, 2020
Ka sorkar ka ri Iran da pynbna ko wa da kem ko ya ki kattu katni ngut ki bru wa suba ko wa emkti wow siat ya ka lieñsuiñ Ukraine Airlines ha kani ka tayaw wa dadep.
Uwa ektien ka sorkar Iran, u Gholamhossein Esmaili da ong u wa hadien wa pynman ya ka takit wa yillu da kem noh ya ki bru wa suba wa emkti ha ini i kaam.
Kani ka lieñsuiñ toh ka wow hær na Tehran cha Kiev heiwa da yap noh waroh 176 ngut kiwa em hapoh yong ka hadien wa da chah siat ko.
Hadien boon sngi wa kyntait ka Iran yei chah siat kani ka lieñsuiñ, ha ka 11 tarik ki chipai ka Islamic Revolutionary Guard Corps (IRGC) yong ka ri da kam ki wa da bakla siat ki ya kani ka lieñsuiñ heipor wa dang jia i siat bom ya ki ktem ki chipai ka America ha Iraq.
