Bia thok ki 568 jur yow yoh poisa naka Scheme sorkar deiwa sakhi u MLA  

15 ngut ki bru deilang wa ki sahep sorkar da chah kem ki ha Uttar Pradesh wa embynta ki u chim kabu yaka Scheme sorkar kawa yarap ya kiwa kwah u bia yong chnong.

Ini waroh da chemdien hadien wa poor iwi i Video wa pynyoo yei ya bia yonglang kiwa boon ki bru heijooh i por ha i jooh i thaw wei kini ki bru toh kiwa dei tymmoh yei dur ki.

Ini toh iw da jia ha ka 25 tarik u bnai nyngkong ha Balia District ka Uttar Pradesh.

Katkam wa yoh yukheiñ ka sorkar, da em kamwa 568 jur wa da bia ha katai ka sngi wei da chem wa kiwa boon toh kiwa ak hi-eh kam kiwa bia.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Da chah pynbaad kini ki bru da su ya ki Rs. 500 hadooh Rs. 2000 yow kam ya idæ kam kiwa bia wei da em ki kynthai kiwa da wan khlem em chynrang deiwa deiñ ki leh ya u syntu pynbia (Varmala) uwa da pyndeiñ ki pyn ya idæ khlem da em chynrang.

Uwi na ki chynrang uwa dang 19 snem da khana u wa da su ya oo wow yieñ u kam uwa wan bia hadien wa wan u wow pait donhi yei bia heiwa kiwi leh da pynbor ya ki wow embynta lang ki deiwa pynchong lang ki kam kiwa bia.

Sa iwi wa phylla toh u MLA ka BJP, u Ketki Singh da emlang u ha kani ka bia yong chnong kam u kongsan heiwa da pyntip ya oo ar sngi chwa u pynman bia wei da ong u wa da suba u wa em iyi re iyi wa rap phær ha katai ka sngi.

Ka sorkar ka UP da wanrah ko ya kani ka Community Wedding Scheme yow su Rs. 51,000 cha kiwa kwah u bia heiwa na kani Rs. 35,000 toh neibynta ka kynthai, neitæ Rs. 10,000 yow thied ya ki tiar ki tar wa emkaam yow bia katwa Rs. 6,000 won neibynta ka thaw pynman bia.

Ka sorkar da pyntip ko wa da embhah wa chem smat yeini chwa u phah kawon kawon ka poisa cha kini ki bru wei dang pynman yei takit yow chem kiyi de kini kiwa bia boi em kiwa bia sakhiat kiwa toh u yoh myntoi na kani ka Scheme.