15 49.0138 8.38624 1 0 4000 1 https://wyrta.com 300 0
Advertisement ad1

Booddien ka JSM yei dawa wow chna ya ka Govt. College ha EJH

0 Comments
Advertisement ad1

Jowai: Ka seiñ Jaiñtia Students Movement (JSM) Central Body dang pteiñ ko wow pynbor ya ka sorkar wow sdang ko ya ka Government College ha East Jaiñtia Hills District neibynta ki khynroo khyllood wa lai puræ ka thaiñ.

Kam wow booddien ya ini i dawa ka seiñ u L. Rymbai, President wa u D. Siangshai, General Secretary da lai yachem ki wa u Ram Singh, Director of Higher & Technical Education ha i kamra krehkaam u ha kani ka 24 tarik wei da e ki da ka chithi ha oo wow kylli wa kammon da leh ya ka dorkhat wa dadep e ha ka sorkar nadooh wa sdang uni u snem hei yatoh wa kani ka kaam.

U Rymbai da ong u wa ya kani ka dorkhat da e ha u Montri Rangbah yow sdang noh da ka Government College ha East Jaiñtia Hills District neidaw kiwa lai puræ haap lai ki cha Kiang Nangbah Govt. College wei ini da wanrah i yei lutsan wa i sepai i por du wow lai wah wah neiñ neiñ.

U President ka seiñ da kyntu u leh ya ka sorkar wow sdang noh ya ki 3 tylli ki Residential School wa toh u em ha West Jaiñtia Hills District heiwa ki paidbah dadep ki wow e thaw sñiawbha tangwa hadooh katni ym pu em sdang yei kreh.

Neiliang u Director da kular u wow chimkhia yeini waroh i dawa ka seiñ.

Advertisement ad1

0 Comments

Leave a Reply