Booddien ka JSM yei slem u pynpoi umkor ka JJM ha East Jaiñtia hanla dadep chna lut

Ka seiñ Jaiñtia Student’s Movement (JSM)-Eastern Region ynnin ka sngi da lai yachem wei e da ko dei thoh cha u Deputy Commissioner ka East Jaiñtia Hills District wa cha u Sub-Divisional Officer ka PHE (Electrical) East Jaiñtia Hills, Rymbai wow booddien yei slem wow pynpoi umkor cha man ki thlu yung yong ki chnong wa em ha East Jaiñtia Hills neidaw wa neh du ki Pipe um wa da dep siang, ki top um wa da dep u chna heiwa ka sorkar da mang poisa ko da ki klur tangka ha man ki chnong katkam i heh wei boon yung.

Najrong wa dadep pynkrehkaam ya kani ka Scheme ha awjan man ki chnong tangwa kiwa chong chnong yong ka thaaiñ em ki hei eh wa khroo neidaw wym ye u pynpoi um wei ini da booh ko hei eh ya kiwa chong chnong wa duna hei yoh i la neidaw wa hap ki wow thied um yow yoh u pynemkaam.

Hei yachem wa u SDO da pynsñiaw u wa kam ka chnat da em ko hei yakhun wa khaddooh dooh wow yaleh u pynpoi ya ka um cha man ki thlu yung yong kiwa chong chnong, da ong u leh wa katkam wa man kattæ dang Test ya ki kor um kiwa heh yow pynpoi um na i thaw yong Synrang Umlawe cha waroh ki top pynlang um wa da dep chna, tangwa da chem chiboon i eh neidaw wa em ki kynchnit kynchnat namo ki Technical Issue ha kiwa boon ki liang.

Kamtæ da kyntu u ya ki paidbah wa chong chnong yow man ki kiwa ya krehlang kamjooh u yaichah neibhah ka chnat PHE da yaleh bait ko u pyntoh pyntne yow yoh um heipor wa biang.

Related posts

Ki Contractor hap ki wow pynbiang ya ki kot ki sla yong kiwa mylla wa wanrah na baar, ong u Shakliar

May 16, 2025

Pyrchah ka JSU Jowai Circle yei pynman tamasa hajan ka Civil Hospital

May 16, 2025

Neiliang u Deputy Commissioner da pynsñiaw u wa em boon bha i eh hawah haneiñ heiyatoh wa kani ka Scheme JJM tangwa hanla kattæ leh u yaleh hi u pyndep khnang wa ki paidbah wa chong chnong u yoh myntoi ki na kani ka Scheme kamwa ka sorkar pyrdi da angnood ko.

Kamtæ neiliang ka seiñ da kyrpaad joor ko leh ya ka chnat wa katwa ye u pynsmat u pyntoh pyntne khnang u yoh umkor heiwa kamwa da tip wa ka East Jaiñtia Hills em ko hei chah ktah heiliang ka bei ramaw deiwa pynman u kyrdooh umbaam umdih.

Ya kani ka lai yachem da yahkhmat da u President ka JSM-Eastern Region, u Wellson RD Siangshai, u Kerbhame Dkhar kam u Assistant Secretary ka Central Body, u Marbud Chyrmang, Finance Secretary Central Body deilang wa ki dkhot.