Shillong: Ka Khasi Disabilities Association (KDA) ynne ka sngi da boodien ko ya ki dawa wa yatoh wa i bhah yoh kaam ki bru wa duna hei doh i pran, ha kani ka booddien ki dkhot ka KDA da lai yachem ki wa u Myntria ka Social Welfare, u Kyrmen Shylla.
Hawa yaklam wa u President ka KDA, u Starwin Kharjana da pyntip u wa u montri da phah u yaka jubab cha ka Federation of Person with Disabilities (FPD). U Kharjana uwa man leh u dkhot ka FPD da ong u wa ka Federation daw bichaar bniah ko yaka jubab wa da phah da ka sorkar la yahap næ ym em wa i dawa yong kini ki seiñ.
Da ong u wa ka Federation daw rah ko ya ini i jubab yong ka sorkar ha ka yalang yong ka Central Executive Committee ka wow man ha ka 8 tarik u Khonchonglad (Nov) ha uni u snem.
U Kharjana da ong u wa ki bru kiwa duna ha i doh i pran da toh u yoh ki yaka bhah kaam kawa 4 percent kamwa da thoh ha ka aiñ The Rights of Persons with Disabilities Act, 2016, neidaw wa ki ye ki wow kreh katkam ka bynta yong ki deiwa e nong muna wa ha NEIGRIHMS kiwa duna ha ka bor khmat ye hi ki wow kreh kam ki Stenographer.
Discussion about this post