Booddien ka KHADC wa ka SRK wow pynman aiñ ya ka ‘Khasi Clan Bill’

Shillong: Ka Synjuk ki Rangbah Kur (SRK) ynne ka sngi da e dorkhat ki cha u Cheif Executive Member (CEM) ka KHADC, u Teinwell Dkhar neibynta wow pynsmat noh wow pynman aiñ ya ka Khasi Clan Bill wa da mynjur da ka KHADC.

Ha i yachem wa u CEM ka SRK da yaklam ko leh wa kammon wow pynkhlan ya kani ka SRK khnang wow ye u pynneh ya ka riti dustur.

Hawa yaklam wa kiwa pathai khubor, u Teinwell da ong u wa neiliang ka Synjuk wa ka KHADC da sñiaw ki wa emkaam wow booddien noh ya ka Khasi Clan Bill khnang wow man ko ka aiñ kawa ye wow yada wei wow pynkupbor ya ki Ynñiawtrep wei da ong u wa da yoh yutip wa kani ka Bill kawa da pdiang da ka KHADC da chah pynuiñ noh ko ha u Lat ka jylla.

Neiliang u General Secretary ka SRK, u Aristotle Lyngdoh Nongpyiur da ong u wa ka Synjuk daw e yumut ko leh ya ka KHADC manda yoh ko wow bichaar ya kani ka Bill lada man iwa emkaam.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Aristotle da ong u wa em hadooh 5000 tylli ki Kur ha ka jaitbru Khasi Jaiñtia wei ka KHADC kawa da ye wow pynlang ya waroh kini ki Kur.

“Da toh i por wow pynkhlan ya ki Kur, ka synjuk daw e yumut ko leh hei yatoh wa ka Khasi Clan Bill khnang wow ye u yada ya ka jaitbru wei wow pait ya i man i long ki kur ki jait yong i,” da ong u.

Da ong u leh wa man ko kawa maa lada ym em kawon kawon ka bor ka wow pait yei man ki kur wei iwa rap tieñ ya boi em ki bru kiwa chim jait khlem tip ka kur wei iwi tawon toh i maa wa ye u mih na i chongkga chongman.