15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Booddien ka TUR sa da ka RTI yei pynlut poisa ka sorkar ha ka khlam COVID-19

Advertisement ad1

Kam chibynta i booddien ka TUR yei pynlut poisa heiyatoh waka khlam COVID-19 heiwa da dep e dorkhat ha u montri rangbah ka Meghalaya yow dawa pynbna paidbah thij pa thij yei rukum pynlut poisa, ka TUR ynne won da e ko da ka RTI haka Website RTI ka Meghalaya heiwa ya ar tylli ki RTI da e cha ka Chief Ministers Secretariat wa kawi won da e cha ka Labour Department.

Ha kini ki RTI da paan yei pyrtuid kiwa pynbiang yaki tiar (Suppliers & Vendors) hapoh ka Social Audit Act wa Section 4 ka RTI Act. Ka TUR da pyntip ko leh wa daw e chooh chooh ko yaka RTI yow booddien leh yei pynlut poisa ki MLA ya kawa da yoh ki neibynta u COVID-19.

Advertisement ad1

Ka TUR da pynchlur ko leh yaki paidbah wow yaleh RTI yow pyntikna wa kani ka khlam COVID-19 ym man ko ka khlam baamtooh.

Wei lada lyngba ka RTI da chem wa em i pynemkaam bakla yei bor, da pynchlur leh ya kiwa chong chnong wow ujor ki cha ka Meghalaya Lokayukta. Wei heiyatoh wa ini, ka Thma U Rangli Juki man ko kawa smat wow yarap yow pynkhreh yaki RTI kamjooh wow ujor cha ka Meghalaya Lokayukta.

Ki paidbah kiwa kwah u yoh yarap ye ki wow WhatsApp ha u Number 9863097754 lane deiwa email ha [email protected].

Share this:
Previous

I bai Test RT-PCR toh katkam wa booh da ka ICMR: DHS

Next

Pynkreh ki Scientist ka India yaka COVID-19 Test kawa pynemkaam daka kot