Jowai: Ynne ka sngi u montri ka chnat i chait i khiah, u AL Hek chirup wa u MLA ka Mowkaiaw, u Nujorki Sungoh, u DHS (MI) u Dr. A Warr, da lai booddien ki ya i pynkhreh yakhun ya ka khlam u COVID-19 ha Laskeiñ C&RD Block.
U montri wa u MLA da lai pait ki ya ki le tylli ki thaw sumaar wa em hapoh ka Block, wa kynthup ya ka Laskein CHC, ka Sahsniang PHC wa ka Barato PHC.
Hawa yaklam wa kiwa pathai khubor, neiliang u Hek da pyntip u wa ini i lai ki cha ki CHC wa ki PHC toh wow tip hadooh katwon kini ki thaw sumaar da man ki kiwa da pynkhreh wow yakhun ya u COVID-19.
Da ong u wa kiwa boon hi ki thaw sumaar da man ki kiwa dapynkhreh bha heiwa da em ki ya ki Isolation Center, da biang ki leh ya ki PPE, ki Mask, ki Hand Sanitiser wa kiwi kiwi ki tiar wa emkaam.
Discussion about this post