U montri rangbah ka jylla, u Conrad K. Sangma ynne ka sngi da booddien u yei pynkhreh yei yakhun ya ka khlam u COVID-19 ha Williamnagar, East Garo Hills deiwa lai pait u leh ya ki Quarantine Centre.
U Conrad da wai u leh ya ka Corona Care Centre ha Williamnagar wa ka bordiñ wa pynmih nei bor ka sngi ha kani ka Centre wa da e yarap poisa SELCO Foundation. U Conrad da yaklam u leh wa kiwa chongkset ha ka Quarantine Centre ha kani ka thaw deiwa kyntu ya ki wow bood ya ki kyndon wa da booh.
Hapoh i yahkhmat u DC ka East Garo Hills, u Swapnil Tembe, u Conrad da saam u leh ya ki kot yutip namo ki kot General Knowledge cha kiwa chong kset ha kani ka thaw.
Ha kani ka sngi da emlang leh ki MLA kam u Marcuise Marak, u Jim M Sangma wa u Co-Chairman ka Meghalaya Resource Mobilisation, u SB Sangma.
U Conrad da ong u wa ki tayaw wow wan man ki ki tayaw wa joor i yakhun neibhah boon ki wow poi biang cha Meghalaya kiwa da neh cha baar jylla deiwa kyntu ya ki paidbah wymtoh u tieñsar ki.
Da kyntu u leh ya ki bor District wow yada ya kiwa da heh rta wei wow pynkhreh chwa wow wai biang kamwa jooh.
U Conrad da lai pait u leh ya ka Civil Hospital Williamnagar.
Ha Tura, u Conrad da lai pait u ya ki thaw chongkset wa da pynkhreh da ki chnong namo ki Community Quarantine Centre kamjooh kiwa chongkset ha yung yong ki hi kam ha Matchakolgre, Rongkhon, Araimile, Jerusalem wa Te’teng Aja.
Discussion about this post