Khliehriat: Da pynman ya ka Review Meeting yong ka East Jaiñtia Hills District ynne ha yung krehkaam u Deputy Commissioner hei emlang u montri ka chnat Social Welfare, u Kyrmen Shylla.
Kani ka yalang toh wow booddien ya ki Scheme yong ka sorkar jylla kamjooh yong ka sorkar pyrdi kiwa da pynkreh hapoh ka District.
Ha kani ka yalang da em waroh ki heh yong ki chnat sorkar kiwa da batai wei kiwa da pynche ya ki ki Scheme wa da pynkreh da ki chnat yong ki heiwa da khana leh yeiwa jop kini ki scheme hapoh ka District.
U Kyrmen hawa e yei klam da pynsñiaw u yei mynsien wa kmen wa da ye ki chnat wow pynkrehkaam hok ya kini ki Scheme ki wow yoh myntoi kiwa boon ha waroh kawi ka District.
Da kyntu u leh ya ki wakreh ki chnat wow kreh ki na mynsien khnang wa kiwa dang khynroo khyllood kamjooh leh ki khynnah u ku ki wei u yoh myntoi ki na kani ka kaam wa leh katni. Da e khublei u leh ya ki wakreh wa ki chnat yeiwa da jop ki ha ki kaam yong ki.
Da kular u leh wa kam uwa mihkhmat ka District u kreh u neibynta ki paidbah yong ka liang wanang khnang wow ye u e yeiwa da angnood ki paidbah.
Discussion about this post