Kam chibynta wow pynduna yei wan kiwa kreh na baar jylla wei wow pynbor leh ya ki Company wa em ha America wow thung kreh da ki bru wa napoh ka ri hi, neiliang u President ka USA, u Donald Trump da pynmih u ya ka hukum (Executive Order) wow booh $ 1,00,000 kawa dapoi Rs. 85 lak da ka poisa India wa hap u su chi snem wei kut wa pynthymme ya ka H-1B Visa man-u-snem.
70% kiwa em ya ka H-1B Visa toh kiwa na India kiwa lai kreh ha kiwa boon ki Company wa em ha US khamtam ki kaam wa yatoh wa ka IT.
U Donald Trump da pyntip u wa kani ka hukum u krehkaam ko nadooh ka 21 tarik uni u bnai deiwa e daw wa boon kiwa chim kabu ya kani ka H-1B Visa khamtam ki Company IT wei man ko leh iwa maa ya ka ri wei da pyndooh kreh ko leh ya ki American wow yoh kreh IT neibhah da thung kreh du da kiwa na baar ri donhi kiwa bien u kreh deiwa rap duna ka tulop.
Ya kini ki H-1B Visa kiwa boon toh kiwa da Sponsor da ki Company wa wanrah bru wakreh na baar ri wei deiwa booh dor hadooh Rs. 85 lak chi snem kawi ka Visa daw pynduna ko ya kiwa kreh wa daw wanrah ki na baar ri wei kamjooh daw pynkuslai ko leh ya kitu kiwa kreh chwa kattæ ha US.
Ka sorkar u Trump da ong ko wa da em da ki phaw hajar ngut ki American wa chah pyndooh kreh ha ki Company kiwa da wanrah won da ki bru na baar ri wei ini toh i wym man u leh kamni hawa ka America leh em ko ki jooh ki bru wa stat wa kiwa biang kyrdan.
Discussion about this post