U MLA ka Nonstoiñ, u Gabriel Wahlang ynne da booh FIR u ha u Officer In-charge ka Nongstoiñ Police Station yow dawa takit yeiwa mih khubor wa em i dawa poisa neibynta wow thung kreh Nurse ha ka MCH Hospital wa em ha Nongstoiñ.
Da ong uwa katkam wa mih khubor da pynbaad wa em kiwa paan Rs. 4 lak yow pynpsiah kreh hapoh ka MCH Hospital wei da pynbaad leh wa emkti u kam u MLA.
Katkam wa yoo u ha ki khubor, da em uwa yahkhmat ka Voice of the People Party, State Youth Wing wa da yaklam Phone u wa uwi u bru uwa man kam uwa yaleh kreh uwa da khana wa em u bru uwa kular wow pynyoh kreh Rs. 4 lak wei uni u bru da kam u leh wa yajan bha u wa u MLA.
Ha ka FIR, u Gabriel da ong u wym jooh em dawa poisa u wei ym jooh em leh e bor ha uwon uwon u bru yow lum poisa u yow thung kreh sorkar.
Da ong u wa lada em sakhiat u bru uwa dawa poisa hei pyrtuid yong oo man ko ka kaam wa khia bha wei kawa pyrchah aiñ.
Da kyntu leh ya ki pulit wow thooh ya u bru wa yaklam Phone yow tip uyi utæ u bru uwa dawa poisa wei wow booddien leh kammon phah poisa lada em iwa phah poisa.
Da kyrpaad leh wow pynman ya ka takit da kawa khooid wa kawa khlem leh chiliang.
Discussion about this post