Jowai: I haap i oor kiwa tam na ka tadong (Cylinder) Carbide ha i luti laikjat najrong kawi ka kharkhana wa em ha Newhill da wanrah i yei ma yei lai i wan ki khynnah skur wa ki paidbah, wei ini jia i langær lym kynroh yei thaw da u moo.
Ini i haap i oor da jia i neidaw wa tooid i khyndaw na ini i thaw chna kari wa em harood u NH-44 iwa da tymmoh ya i luti laikjat wei da pynwit i yei lai i wan ki bru wa ki khynnah skur, tangwa embhah ym em wa mynsoo neibhah ini da jia i heipor step ka 10 tarik.
Neiliang u secretary ka Newhill u M. Pakma da ong u wa ini ymtoh de ka sien wa nyngkong wa haap i khyndaw najrong kani ka karkhana katwa toh ym em kær næ kynroh ki ya i pchem yong ka wei ki tngit wa mih na kani ka karkhana kam ki Mobil leh da pynkai bait cha sarok iwa pynyoosih ya kiwa lai wa wan u pait.
Neitæ da ong u leh wa neiliang ka dong da boonsien jooh klam ki ya ki tre wow kær næ kynroh tangwa hadooh katni leh ym leh ki yiyi.
Kamtæ ini i wym bien ki tre u chimkhia yeini waroh da wanrah ko yei ma ya ki paidbah khamtam ki khynnah skur.
Discussion about this post