Pyrchah joor ka MSCCR yei thung ya u Julius Dorphang hapoh ka Privilege Committee

Shillong: Ka Chairperson yong ka Meghalaya State Commission for Child Rights, ka Meena Kharkongor da kyrpaad ko ya u Maitphang ka yung yorbar chna aiñ ka jylla, u AT Mondal wow pyrkhat biang u yei thung dkhot ya u MLA ka Mawhati u Julius K Dorphang ha ka Privilege Committee (PC) ka Yung Dorbar Chna Aiñ, ini i kyntu toh neidaw wa u MLA ka Mawhati toh uwa da chah pynbaad wa slaitbor ya ka khynnah wei katni dang em u ha patok.

“Man i iwa khyrngiat neibhah man ko kamwa yooh tdong pseiñ wow yoo ya kani ka khubor wow thung dkhot ya u MLA ka Mawhati, u Julius K Dorphang ha ka Privilege Committe”, da ong ka Meena hawa yaklam wa kiwa pathai khubor ynne ka sngi.

ADVERTISEMENT

Ka Meena da ong ko wa ha ka yalang wa ki seiñ ki manbei wa pynman ynne ka sngi neiliang ka Commission for Child Rights da rai ko wow leh yeini waroh hadien wa da chah bichaar u hapoh ka aiñ POCSO.

Neiliang ki seiñ kam ka CSWO ka TUR da ong ki wa da yachem ki ynne ka sngi hei yatoh wa ini hapoh ka yung krehkaam ka Chairperson State Commission for Protection of Child Rights (SCPCR) wei da rai ki leh wa ini i thung ya u Juliuis Dorphang kam u dkhot ka Privilege Committte man ko kam wa pynyoo pyrthai wa oo ym ye ka aiñ u tba oo kamjooh leh da rai wow phah ya ka dorkhat cha u Maitphang ka yung thaw aiñ ka sorkar Meghalaya Legislative Assembly.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025