15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Booh ka CoMSO ya ki thaw wow pynkrehkaam ya ka ILP

0 Comments
Advertisement ad1

Ka CoMSO kawa da chim ya ka rai wow pynkrehkaam noh ya ka ILP yong ka hi ha kylleiñ u pood ka Meghalaya da jied ko ya ki thaw wow kynreh ya ki kot ki sla ki baar jylla kiwa thmu wow psiah chapoh jylla.

Ka CoMSO daw booh ko ya ki Volunteer wow kynreh ya ki baar jylla ha kini ki thaw.

Ha Ri-loom Khasi wa Jaiñtia ki thaw man ki kamni hawah:

  1. Byrni Check Point (CP) 2. Ratachera CP 3. Umtyrna CP 4. Aradonga CP 5. Iew Mawroh Jirang CP 6. Umsiang CP 7. Saphai CP 8. Khanduli CP 9. Pynursla Border CP 10. Dawki CP 11. Ryngku CP 12. Ranikor – Balat Area CP 13. Borsora – Moheshkola Area CP 14. Shella Border Area CP.

Ha Ri-loom Garo u man ki kamni hawah:

  1. Dainadubi CP 2. Nengkhra CP 3. Siju CP 4. Dimapara CP 5. Sibburi CP 6. Dalu CP 7. Garuspara CP 8. Mahadeo CP 9. Bajengdoba CP.

Ka CoMSO da ong ko leh wa ya ki Volunteer daw e da ki Badge namo ki Volunteer Identity Card.

Chooh chooh ka CoMSO da ong ko leh wa ki Volunteer ha kini ki thaw daw emlang leh ki pulit wow yarap ha ini i kynreh.

Da ong ko leh wa ki baar jylla toh u pynyoo ki leh ya ki kot wa sakhiat (Original Document) wow pynsakhiat wa man ki ki bru ka India wei haap khana ki leh yei daw wa wan psiah ki chapoh jylla.

Heijooh i por da ong ko wa da pyntip ko leh yeini i thmu yong ka cha ka District Task Force, ki Labour Officer kamjooh leh ki bru ka chnat Enforcement yong ki District Council.

Share this:
Previous

Ki paidbah ki 12 chnong ka khappood ymtoh u pynemkaam ki 2 EPIC: Kyrmen

Next

Da pynlait ya ka Final Photo Electoral Roll ka EJH