Ka KSU-East Jaiñtia Hills District Unit neidaw wa pynslem ka sorkar pyrdi wow pynkrehkam ya ka Inner Line Permit (ILP) ha ka jylla, neiliang ka seiñ ynne ka sngi da booh ko da ka khyrdop ILP Check Gate yong ka hi.
Ya kani ka khyrdop wow sylli ya ki baar jylla da booh ha Sonapyrdi yow pynsñiawthooh ya ka sorkar India wow leh ya ini i kaam. Wei lada ka sorkar dang mutlop wei pynslem ko, ka seiñ leh u pteiñ ko u kynreh khlem chong-ngiah.
Ha ini i kynreh ka seiñ da yoh ko wow ksoh ya ki yusong wa da song bha wei da suba toh i jait dih pynmuaid wei da yoh wow kem ya kini na ka kari Hyundai Nios wa em ya u Number AS-11U-7010 heiwa ki ar ngut kiwa khayi ya ini i mar da yoh ki wow yut.
Ini da pynsuba ko wa ini i mar toh iwa man pyrchah aiñ, kamtæ da ujor FIR wei da e kti cha ki bor yong ka aiñ wei ki pulit da chem ki wa hapoh kini ki yusong da em u bhang wa khia 28 Kg uwa da chimmkti da ka Anti-Narcotic Task Force ka District.
