Jowai: Ka Jowai Traffic Police ha kani ka sngi bibar da lai wah tin pyllang jhep ko nadooh na Gate Laban hadooh ha yungkrehkaam u DC kam chibynta ka Go Green Campaign yong ka kawa da leh lang nadooh wow thung dieñ wei wow pynkhooid yaw.
Ha ka sngi chohthat wa dadep won ka seiñ Jowai Trader Association (JTA) da lai e khusnaam ko ya ki pulit wa pyllai kari wa kynthup ya ki Home Guard kiwa em waroh 16 ngut.
Ha kani ka sngi da em ka President ka JTA ka R. Mylliempdah deilang u SP ka West Jaiñtia u R. Muthu deilang wa u Traffic In-charge u D.H. Pde.
Neiliang ka President ka JTA da e yaroh ko yei kreh chitom ki pulit wa pyllai kari wei da kyntu ko ya ki wa ymtoh wow pait chilliang ki hawa leh ki ya i kaam yong ki.
U SP won da ong u wa sñiawngooh u ya ka JTA wa bien ko u tipmit yei krehchitom ki pulit neibhah boon ki por kiwi pynjoor ki du i beiñ don hi. Da kyntu u leh ya ka JTA wow krehlang ko yow pynduna i taroi ha Iawmusiang.
Discussion about this post