October 10, 2017

Wai u Zenith ya ka Coaches Clinic wa ar sngi

Advertisement ad1

Shillong: U montri ka tnat Sports & Youth Affairs, u Zenith M. Sangma ynne da wai u ya ka Coaches Clinic ha ka Indoor Sports Hall, J.N. Complex, Polo, Shillong heiwa daw chah hikai ki Coach kiwa dang emkaam wow pynpliah ha kani ka kaam hapoh ka Mission Football.

Hei e i klam kam u kongsan ha kani ka sngi u Zenith M. Sangma da ong u wa kani ka Coaches Clinic toh kawi naki bynta yong ka Mission Football heiwa daw chah hikai 88 ngut ki coach ha kani ka esikai wa ar sngi yow ye won ki wow esikai cha ki khynnah wa em hapyrdi 6-12 snem i rta.

Advertisement ad1

Da ong u leh wa ki Coach emkaam wymtoh u man ki kiwa jhan wei wow man ki kiwa jai jai khnang wow tip wei wow sñiawthooh ki yei bor wei sap yong ki khynnah.

Ka Director, Sports & Youth Affairs Department, ka M.W. Nongbri hei klam da ong ko wa ka thong yong kani ka Coaches Clinic toh wow pyntikna wa ki khynnah u man ki kiwa ye wow yaleh lada ha ka kyrdan jylla, kyrdan ka ri kamjooh wa ha kiwi ki ri. Da kyntu ko leh ya ki Coach wow man ki kiwa minot wa kiwa tista ha ki kaam yong ki khnang wow ye u khait ya u soh wa jop.

Ha kani ka sngi u Sangma da saam u leh ya ki muna cha kini ki coach ki wow chah hikai ha kani ka Coaches Clinic, wei u Junior Football Coach, East Khasi Hills District, u B. L. Nongbet da klam batai u leh chaphang ka “Grassroot Football in Meghalaya”.

Ha kani ka sngi da emang u President, MSOA, u John F. Kharshiing, Deputy Director, Sports & Youth Affairs Deparment, u J. R. Marak, DSO, West Jaiñtia Hills District, u H. Shangpliang, u Vice President, Meghalaya Football Association, u B. Diengdoh wa kiwi kiwi.