Ka Dorbar Chnong Panaliar, Jowai khut ko ya i yakrehlang, nadooh kiwa chong chnong hadooh kiwa wan wa lai, ki jan chnong jan thaw wow tip u burom ya ka tawiar soodong yong ki, heiwon iwon i thaw wa em ki.
U Waheh Chnong ka Panaliar, u Riquoma Laloo da ong u, “Ki rood ka wah Myntdu waroh toh ki thaw wa pait wa yoo ka chnong wei haap ki hapoh u pood u ang yong ka.”
Kamtæ kiwon kiwon kiwa leh pynsih khamtam cha kitai ki thaw, ka chnong ye ko u pynkrehkaam ya ki aiñ chnong yong ka dei wow pynchitom ya kiwa leh pyrchah.
Da khang haroh ko wow tynyap khiar ya ki doh um, ki mrad khloo kiwa man pyrchah leh ya ka aiñ. Khamtam wymhoi u khwe ha ki bynta ka Syntu Ksiar hadooh Kroh Mutong.
“Ka chnong hi, em ko i bor wa ha khliehdooh hapoh u pood u ang yong ka. Wym em kiwon kiwon ki bru samen, ki seiñ wot ki chnat waphær waphær wow ye u leh ya iwon iwon khlem yohbor na ka chnong,” da ong u waheh chnong.
