Ynne ka sngi uwi na ki kyrtong MLA na Jowai Constituency, u Dr. HH Mohrmen da pynlait u ya ka thup wa em ya ki kaam kiwa thrang wei angnood u wow leh manda wa chah jied u kam u MLA.
Da ong u wa ka thong hi yong oo toh wow kreh waroh san snem ymtoh wow kreh du chisien san snem.
Da pyntip u wa daw em ka Jowai Constituency Development Council (JCDC) heiwa daw kynthup ya ki waheh chnong, ki heh niam, ki seiñ kynthai wot hadooh ki khynnah heiwa u krehlang ki chirup hei wow kreh neibynta ka Constituency heiwa u MLA ymtoh u kreh u samen tangwa u krehlang wa ki paidbah neibynta i kylla.
U Dr. Mohrmen da pynsñiaw u leh yei angnood wow pynman ya ka Jowai kam ka sor-khian wa khooid dooh hapoh ka jylla.
Heiyatoh wa i dooh kreh, da ong u wa neiliang yong oo daw yaleh wow thooh ya ki laad wow pynman ya ki e sikai namo ki Coaching ya ki khynnah khnang wow ye ki wow yakhun ya ki Exam yaleh kreh waphær waphær kam kam ha ki Bank, ki BPO wa kiwi kiwi.
