Ka Raij Ialong, ha uni u snem u pyndep ko ya ka lehniam Behdieñkhlam yong ka ka ha ka 9 tarik uni u bnai nadooh i por 1:00 i sngi ha Aitnar.
Neiliang ka Seinraij Ialong hadien wa da yohbor na ka sorkar wow pynlai bait yaka lehniam Behdieñkhlam 2020 ha katai ka sngi (9 tarik) dei wow bood ryntih ya ki kyndon katkam wa hukum ka sorkar neibynta u yada na u COVID-19.
Ka Seiñraij Ialong da man ko kawa da pynkhreh wow bood ya ki kyndon neibynta wow pyndep yaka lehniam.
Kamtæ heini i por ka Seiñraij Ialong da pyntip paidbah ko wa kiwa ye u chimbynta ha katai ka lehniam toh du kitu ki bru wa da jied ka Seiñraij Ialong wei da kyntu leh ya waroh wow krehlang khnang wow ye u pynlai bait ya ka katkam ka hukum sorkar.
Chooh chooh ka Seiñraij Ialong kwah ko u pynsñiaw ya waroh ki khon ka Raij kamjooh ki lok ki jor wa hanlada ka lehniam wym ye de u pynman kamwa jooh tangwa ka Seiñraij booh lang ko ya ki ha i ngooh i dem neibynta ya waroh nadooh i chait i khiah, i man khih man khan wei wow yada na ka kjut ha kam kani ka por wa em kani ka khlam COVID-19.
Heijooh i por da pyntip paidbah ko wa da khang pyrchah ya kiwon kiwon ki bru næ ki kari wa na baar wow psiah chapoh ka chnong Ialong nadooh i miet synyaw ka 06-09-2020 hadooh ka 09-08-2020 i step khlem yohbor næ tip ka Seiñraij Ialong.
Kani man ko katkam ka Wyrta na ka Seiñraij Ialong.