Jowai : Ynne ka sngi u man ko ka sngi kawa sah khana yutang ha ka kur Sansyngkong kiwa kynthup ya ka kur Shylla, Pariat, Blah, Slong, Langi wa ka kur Pde wamih na ka kur Shylla wa ki kur Lamar wa ka kur Dum wamih na ka kur Langi.
Iwa pynman wow sahkynmoo ya ka 31 tarik toh neidaw wada booh ka kur ya u moonongrim yow chna ya ka yung kur harood ka mandan ka Dulong, Jowai heiwow tei wow chna ya i yungkur ka Sansyngkong.
Hachwa ini da em ka yalang heiwa da yoh yei ktien lamkhmat na u ma Wonder Shylla, i ngooh i dem na u ma Lamphrang Shylla hei ya emlang kiwi kiwa waheh wasian ka kur.
I thmu wow chna ya kani ka yungkur toh kam chibynta wow yarap ya ki khon ka kur kiwa na chnong wa na ryngkaw para khamtam heiwow wan ki u pyndep ya ka niam ka rukom yow yoh ki i thaw chong manda poi ki cha Jowai heiwa em yow mootylleiñ (repository stone) yong ki.
Discussion about this post