Shillong: Ynne ka sngi da booh ya u mooyurim wow chna ya ka yungkrehkaam ka Meghalaya State Judicial Academy (MSJA) da u Justice Tarun Agarwala, uwa man kam u Chief Justice ka Meghalaya High Court hei emlang u Justice S R Sen, Judge, u Rangbah Shnong ka Umsawli wa kiwi kiwi ha Mawpat.
U Justice Tarun Agarwala hei klam da ong u wa ka rukom bichaar ka ri India man ko kawa da ku kat dang lai kip or ki sngi, wei da thmu wow wanrah wei wow pynmiat yei jooh kat dang lai ki por wei kat dang mih ki snem katkam wa man ka riti synchaar yong ka ri da lai ko chakhmat.
Da pyntip u wa ya ka MSJA da sdang katkam wa pachat ka Law Commission chirup wa ka Supreme Court of India wow pynmiat ya ka rukom bichaar hapoh ka ri.
U Justice Agarwal da kdaw u leh wa kani ka Academy u em ko ha i thaw wa heh hadooh kamwa 25 acre, heiwa daw em ki kamra wa ki yung wow esikai hei yatoh wa ki aiñ, ki Library, ki Computer Lab, ki Hostel, wa kiwi kiwi.
Yow yarap ya kiwa bichaar ha ki yungbichaar wa khian u Justice Tarun Agarwala da ong u wa da toh u em ka Judicial Helpline ka wow kreh ha itæ i rukom wa kani ka Academy u ye ko wow e yarap ya ki paidbah.
Discussion about this post