Ampati: Ynne ka sngi da ki hajar kiwa chong chnong ka South West Garo Hills, wa kynthup ya ki seiñbhalang, ki waheh wasian, kiwa kitkaam niam, kiwa sikai, wa kiwi kiwi da mih paidbah ki ynne ka sngi ha Ampati wow beiñ ya i chah tynyap u kyrtong ka NCP na Williamnagar, u Jonathone N. Sangma.
Ha kani ka sngi waroh ki dukan dukdoh ha Ampati da man ki kiwa khang kam ka dak wow beiñ yeini iwa da jia.
Kani ka Peace Rally da pynman da ka United Churches Peace Forum, GSU chirup wa ka Ampati Church Leaders, heiwa da pynman ya ka lai paidbah kawa jai jai na Ampati Students’ Field lyngba ki sarok ka Ampati deiwa rah ya ki Placard wa ki Banner wow beiñ yeiwa da jia.
Ha kani ka Rally da em leh ka yalang tbian heiwa waroh kiwa klam da beiñ ki yeiwa chah tynyap u kyrtong MLA na Williamnagar chirup wa ki le ngut wei da em leh i thang mombati kam ka dak wow kynmoo warom ya kini ki mynsien.
Discussion about this post