15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Booh mooyurim u Gadkari ya i kreh ki 27 tylli ki sarok-bah ha Assam wa jrong 439 Km

Advertisement ad1
Advertisement ad1
Advertisement ad1

U Union Minister for Road Transport, Highways & MSMEs u Nitin Gadkari ynne ka sngi da wai wei booh mooyurim u ya i kreh yong ki 27 tylli ki Highway ha Assam deiwa emlang u Chief Minister ka jylla u Sarbanand Sonowal.

Ki sarok-bah wa daw chna toh kiwa jrong 439 Km kiwa chong dor T. 2,366 klur. Kini ki sarok daw pynsuk ki yei kit ya ki mar hapoh ka jylla kamjooh daw pynsuk yei poi cha ki bynta wa em cha khappood, daw pynyoh kreh, daw pynduna ko yei lut phñiang, i por, wei daw pynku ko leh ya ki kaam uiñke suwari hadooh wow pynpoi ya ki mar rep cha ki yaw ki haat wa heh.

U Minister da wai u leh ya u mot yong u Prime Minister warim ka ri u Atal Bihari Vajpayee heiwa ynne ka sngi man ko leh ka sngikha yong oo.

U Gadkari da kular u yaka jylla Assam wow e yaka ya i kyrchaan wa pura yow pynbha pynmiat ya ki National Highway ka Assam. Da ong u leh wa ka Assam em ko i thaw wa kyrpang ha u nood yong oo. Da pyntip u leh wa T. 2,104 klur da booh neibynta ki 174 tylli ki kreh hapoh ka CRIF neibynta ka jylla heiwa na kani T. 1,177 klur da dep wow pynlait hadooh katni. Da pynbna u leh yaka T. 221 klur hapoh ka CRIF neibynta uni u snem heithaw kawa nachwa kawa T. 139 klur.

U Gadkari da pynbna u leh wa da pynku yaka poisa hapoh NHO neibynta ka Assam naka T. 1,213 klur cha ka T. 2,578 klur neibynta u snem mang poisa wa katni.

Da pyntip u leh wa i  chna yaka yingkieñ Dhuvri-Phoolbari daw sdang chna noh ha kini ki bnai wo wan deiwa pynlut T. 4,497 klur yow chna ya kani ka yingkieñ wa jrong 19 Km iwa daw pynduna yei lai luti na Assam cha Meghalaya da 203 Km. Da ong u leh wa da kyrpaad u ya u Prime Minister yow booh ya u mooyurim ha kini ki 15 sngi.

Da khana chooh chooh u wa ya ka DPR da pynkhreh wei ka Tender da khut yow chna yaka yingkieñ Majuli kawa jrong 6.75 Km kawa man kam chibynta ka 131 Km Majuli Project kawa chong dor T. 900 klur.

Share this:
Previous

E kymmor ka FKJGP Women’s Wing cha kiwa duna hei doh i pran na ki 5 chnong

Next

Khlaad noh u Pyrkhatbha Siangshai