Booh mooyurim u Rajnath ya ka ‘Thal Sena Bhawan’ yong ka Indian Army

U montri yada ri ka India, u Rajnath Singh ynne ka sngi da booh mooyurim u ya ka ‘Thal Sena Bhawan’, ka wow man ka Headquarter wa thymme yong ka Indian Army, ha Delhi Cantonment yong ka nongbah New Delhi.

Kani ka yung thymme ka ‘Thal Sena Bhawan’ u man ko kawa boon mala wei u chna pynwandur ya ka khlem i ktah ya ka rymaw. 

Neiliang u Rajnath da ong u wa kani ka Headquarter wa thymme u man ko kam chibynta wow pynsahnaam ya ki chipai wa chlur kiwa da khlaad neibynta ka ri.

Da ong u leh wa waroh ki chnat ka Indian Army wa ka Department of Military Affairs kattu u sdang krehkaam noh ki na kani ka thaw.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya kani ka yung u chna ha i thaw wa heh 39 Acre, wei i thaw kani ka yung u heh i kamwa 7.5 lakh Square Meter wow kynthup ya ki kamra krehkaam wa ki thaw booh kari.

Da yooluti wa ya kani ka yung u chna pyndep hapoh san snem wei u ye ko u pynchong hadooh 1,700 ngut ki sahep wa ki 1,300 ngut kiwi tawon ki wakreh.

Ha kani ka sngi da emlang leh u khlieh ka Indian Army, u General M M Naravane wa kiwi ki heh ka Indian Army.