U montri rangbahdooh ka ri, u Narendra Modi daw wai u ya ka lympung yalehke wa nyngkong dooh kawa tip kam ka Khelo India University Games 2020 ka wow sdang ha Bhubaneswar, ha kani ka 22 tarik uni u bnai.
U Modi daw wai u ya kani ka lympung lyngba ka Video Conference.
Ka Khelo India University Games toh kawa da pynman da ka sorkar pyrdi chirup wa ka sorkar ka jylla Odisha.
Ka Khelo India Programme, toh kawa wanrah da u Modi wow pynkhai im biang ya ki jait yalehke waphær waphhær hapoh ka ri.
Kani ka lympung u sdang ko nadoh mynstep ka 22 tarik hadooh ka 1 Wisu 2020 ha sorbah Bhubaneswar.
Kani u man ko ka lympung yalehke wa heh dooh yong ki skurbah wa em hapoh India heiwa daw wan chimbynta kamwa 3500 ngut na ki 150 tylli ki University na kylleiñ ka ri.
Daw em 17 tylli ki jait yalehke wa kynthup ya ka Archery, Athletics, Boxing, Fencing, Judo, Swimming, Weightlifting, Wrestling, Badminton, Basketball, Football, Hockey, Table Tennis, Tennis, Volleyball, Rugby wa Kabaddi.
Discussion about this post