Booh thong ka MFA wow pynmiat ya ki madan yalehke neibynta ki lympung waheh wa kmai

Shillong: Ka Meghalaya Football Association (MFA) da pynkhamkti biang ko wow yahkhmat u Larsing M Sawian wow man biang kam u President neibynta ka samoi 2017-2021 wei yeini da leh ha ka yalang pynthymme ya kiwa kitkaam ka seiñ ha Shillong, wei chirup wa u Ming da jied leh ya kiwi kiwa kitkaam wa kynthup ya u ya soo ngut ki Vice President u Diverland Lyngdoh, u Gino M Sangma, u Bol Diengdoh, u EMH Passah, u General Secretary-SS Rapthap, Joint Secretaries u Lam Laloo wa u Dipshon Ryntathiang, u Treasurer u Wanshan Kharkhrang katwa ki Executive Member wa kynthup ya u Hering Shangpliang, u Sunesh Syiem, u R. Lyngdoh, Dapmon Tariang wa u Comingone Tlang.

Hawa yaklam hajrong ka thong ka MFA u Ming da ong u wa ka yalehke Football toh kawi na kiwa pawnaam bha hapoh ka ri India wei man ko kawa ar hadien ka yalehke cricket wei ha kini ki tayaw wow wan ka ri India daw sakhi wei daw pdiang ko ya ka lympung U-17 FIFA World Cup.

Da ong u wa lyngba i kyrmen ka sorkar ya ka Football Mission, ka MFA daw pynman ko yei yakrehlang wa ki seiñ wa boon kiwa da tipmit da wei daw pynman ko ya ka yalehke ha ka League System ha ka jylla neibynta ki khynnah.

U Ming da ong u wa katkam ka kyndon ka Football Mission, kiwon kiwon ki seiñ kiwa pynman ya ki lympung yalehke daw yoh yarap ki hadooh T. 2 lak na ka sorkar wei neini daw wiar noh i ong ki wa duna poisa wow pynman ya ki lympung yakop yalehke Football.

Related posts

Pyntikna ka MFA wa daw pynman ya ka Meghalaya Women’s State League wa nyngkong dooh

June 8, 2025

Rah ka Khanduli SC yei naam jop ha ka lympung yalehbol ka Namdong-B

June 8, 2025

Da ong chooh chooh u wa ka thong ka MFA katni toh wow pynman ya ki lympung ya ki khynnah da ka League System wow pyntikna wa kiwa emsap u ye ki u mih pyrthai.

“Ka thong wa dang kreh i katni toh wow saiñdur ya ki khynnah wa dang khian deiwa yakrehlang wa ka Mission Football ka sorkar wa ki Club ha kiwa boon ki thaw næ chnong” da ong u Ming.

Heijooh ipor, da ong u wa katni ka sorkar da pyntikna ko wow em ki rukom wow pynsakhiat yei rta yong kiwa yalehke khnang wow ye ka sorkar u yarap ya ki neibhah wa ka All India Football Federation (AIFF) leh da chimkhia bha ko yeini.

Da ong u leh wa i daw wym ye u pdiang ya ki lympung yalehke wa heh toh wa ki daw hok toh wa i daw hi toh wym biang ki sarok ki luti syngieñ wa ki airport hapoh ka jylla deiwa yooluti leh wa daw ye u pynman ya kam kini ki lympung hapoh ka jylla ha ki snem wow wan.