15 49.0138 8.38624 1 0 4000 1 https://wyrta.com 300 0

Booh thong ki pulit wow yoh sa ya u Dhristi Rajkhowa

0 Comments
Advertisement ad1

Tura: Hadien wa yoh ki pulit ka Meghalaya wow tynyap ya u heh ka GNLA u Sohan D. Shira, da booh thong wow yoh sa ya u dkhot ka ULFA (I) u Dhristi Rajkhowa uwa kyrchaan ya ka GNLA.

U DGP S.B. Singh da ong u wa u Rajkhowa toh uwa sikai ya ki dkhot ka GNLA wow chna bom IED wei da pyntip leh ya ki BSF wa kiwi ki chipai wow pait bniah ki wa suba em u ha ri-loom Garo kamjooh ki bynta khappood waka Bangladesh boi psiah u cha ka wei kamjooh leh dang thooh ya ki dkhot ka GNLA kiwa dang sah.

U DGP da pyntip u wa i bor u Sohan da tlot i hadien wa tynyap ya u Deputy Commandant wa thymme u Matchallang wa uwa sonteri ya u Sohan.

U Singh da kyntu u leh ya ki dkhot ka GNLA wa dang sah yow wan pyndem noh ki.

Da pyntikna u leh wa ka GNLA emkti ko hei tynyap ya u kyrtong ka NCP u Jonathone Sangma deiwa pynemkaam da u bom IED.

Ki pulit da chem ki leh ya artylli ki Claymore Casing kiwa pynemkaam wow chna bom IED kiwa ya sariem wa kiwa pynemkaam wow tynyap ya u kyrtong ka NCP. Da yoh leh ka suloi Heckler, Koch Assault Rifle, ka pistol Beretta, chiboon ki kuli, palat ar dorjon ki dynamite, ki Mobile Phone, ki chithi Letter Pad ka GNLA, ki chithi dawa poisa wa ka poisa Bangladesh.

Advertisement ad1

0 Comments

Leave a Reply