theme-sticky-logo-alt
theme-logo-alt
Advertisement ad1
Advertisement ad1

Boon biang da kiwa chait hadien 5 sngi ha Meghalaya

Advertisement ad1
Advertisement ad1

Kiwa dang yoh COVID-19 ha Meghalaya da neh ki hapoh 50 ngut la 20 sngi, hapoh 100 ngut la 44 sngi wa hapoh 200 ngut la 60 sngi heiwa kiwa dang chait da boon biang ki ynne ka sngi hadien san sngi.

Kiwa dang yoh ynne ka 21 tarik da em ki 21 ngut, kiwa dang chait 31 ngut wei ym em kiwa dang yap la 3 sngi.

Advertisement ad1

Kiwa dang yoh ynne da em ki du ha ki 3 tylli ki District kitæ ha East Khasi Hills (18), East Garo Hills (02) wa ha West Garo Hills (01).

Kiwa dang chait toh ha East Khasi Hills (26), West Khasi Hills (02), East Garo Hills (01), East Jaiñtia Hills (01) wa ha Ri-Bhoi (01).

Ki District wa boon dooh kiwa dang chah ktah toh ha East Khasi Hills (202), East Garo Hills (20), West Garo Hills (18), West Khasi Hills (13), Ri-Bhoi (13) wa ha West Jaiñtia Hills (10).

Ki District wa duna dooh kiwa dang chah ktah toh ha North Garo Hills (00), South West Khasi Hills (00), South Garo Hills (00), South West Garo Hills (00) wa ha East Jaiñtia Hills (04).

Waroh kiwa da chait da em ki 97.92% kiwa em 82,494 ngut, kiwa dang chah ktah da em ki 0.33% kiwa em 280 ngut, kiwa yap 1.74% kiwa em 1467 ngut, deilang dapoi 84,241 ngut kiwa da dep yoh ya uni u khñiang hapoh ka jylla.

Heiyatoh wa i e tika hapoh ka jylla, da dep wow e la 19,15,943 sien heiwa ynne ka sngi da e 1758 sien wa kynthup ya ki HCW (00), ki FLW (03), kiwa 18 snem chaneiñ 1413 ngut wa kiwa 45 snem chaneiñ 342 ngut.

Waroh kiwa da yoh tika chisien da em ki 11,46,243 ngut wa 7,69,700 ngut kiwa da yoh la arsien.

Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:

Share this:
Previous

E yarap ka FKJGP ya ka manbei wa em le ngut ki khon wa chah ieh beiñ ha u kurim

Next

Jop ka Nick FC wa ka YBSC Shella ha ka lympung yalehke ka FKJGP