Kiwa dang yoh COVID-19 da boon biang ki ya kiwa dang chait ha Meghalaya hadien 7 sngi tangwa da neh ki hapoh 100 ngut la 20 sngi wa hapoh 200 ngut la 36 sngi.
Kiwa dang yoh ynne ka 28 tarik da em ki 61 ngut, kiwa dang chait 51 ngut wa 1 wa yap ha East Khasi Hills.
Na kiwa dang yoh kiwa boon dooh toh ha East Khasi Hills (35) wa ha West Khasi Hills (13) katwa ha kiwi ki District da em ki hapoh 5 ngut kiwa ha Ri-Bhoi (04), West Jaiñtia Hills (04), South West Garo Hills (02), East Garo Hills (01), East Jaiñtia Hills (01) wa ha West Garo Hills (01) katwa ha North Garo, South Garo wa ha South West Khasi Hills ym em kiwa dang yoh.
Na kiwa dang chait kiwa boon dooh toh ha East Khasi Hills (31) wa ha West Khasi Hills (16).
Ki District wa duna dooh kiwa dang chah ktah toh ha North Garo Hills (02), South Garo Hills (02), South West Garo Hills (04), East Jaiñtia Hills (04), South West Khasi Hills (04), East Garo Hills (09) wa ha West Garo Hills (11).
Ki District wa boon dooh kiwa dang chah ktah toh ha East Khasi Hills (317), West Khasi Hills (97), West Jaiñtia Hills (37) wa ha Ri-Bhoi (29).
Waroh kiwa da chait da em ki 97.64% kiwa em 81,562 ngut, kiwa dang chah ktah da em ki 0.61% kiwa em 516 ngut, kiwa yap 1.73% kiwa em 1449 ngut, deilang dapoi 83,527 ngut kiwa da dep yoh ya uni u khñiang hapoh ka jylla.
Kawa dang yap toh ka Shanti Thadani (48 snem) kawa na Police Bazar, Shillong, EK Hills kawa da li booh ha ka 18-10-2021 ha Nazareth Hospital, Shillong heiwa da khlaad ko ha ka 26-10-2021 na ka Covid Pneumonia wa joor wei em ko leh kiwi de ki kjut.
Heiyatoh wa i e tika hapoh ka jylla, da dep wow e la 17,30,903 sien heiwa ynne ka sngi da e 8966 sien wa kynthup ya ki HCW 54 ngut, ki FLW 114 ngut, kiwa 18 snem chaneiñ 7305 ngut wa kiwa 45 snem chaneiñ 1493 ngut.
Waroh kiwa da yoh tika chisien da em ki 11,00,719 ngut wa 6,30,184 ngut kiwa da yoh tika la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah: